بالغالب الناس تشوف لينكد ان كأنه مكان مهني، أو عشان يدورون على وظائف، أو يخلقون لهم شبكة علاقات قوية في الشغل، لكن الصراحة هذي النظرة شوي محدودة على اللي ممكن يقدمه لينكد ان، بعيد عن جو المكاتب والرسميات ترا لينكد ان ممكن يكون أداة سحرية تساعدك في حياتك الشخصية ويفتح عينيك على أشياء جديدة ماكنت تعرفها ولا تتوقعها، أشياء تضيف لحياتك أشياء حلوة خارج نطاق الشغل، مثلاً تقدر تلقى ناس يشاركونك هواياتك، سواء كنت تحب التصوير، السفر، أو حتى تطبخ وتقدر تتعلم مهارات جديدة تساعدك في حياتك اليومية من الدورات الموجوده على لينكد ان يعني مو بس عشان تتطور في شغلك، حتى في حياتك تقدر تطور نفسك.

ولينكد ان ما يوقف على العلاقات الرسمية أو المهنية، مع الوقت ممكن تصير الصداقات اللي تبنيها من لينكد ان أعمق وتطلع من برا الشغل، تخيل تلقى ناس تشاركك نفس اهتماماتك وهواياتك مثلاً تلقى ناس يحبون نفس الأشياء اللي تحبها مثل السفر أو التطوع أو حب المغامرة وكل هذا وأكثر، ولو كنت مهتم بالتطوع بتلقى فرص وبرامج تطوعية حول العالم، أو حتى تقدر تسوي شراكات مع ناس لتنظيم رحلات أو فعاليات، كل هذا وأنت تستخدم لينكد ان بطريقة غير عن الناس اللي تستخدمه فيها و ما تخطر على بال كثيرين.

وعشان تستفيد من كل هذه الإمكانيات، منصتنا لينك إن تقدم لك خدمات مميزة تساعدك على تعزيز وتوسيع وجودك الرقمي، احنا نساعدك في تحسين حسابك، ونقدم لك استشارات احترافية، ونوجهك للدورات والفرص اللي تساعدك بحياتك المهنية والشخصية، سواء كنت تحتاج تحسين ملفك الشخصي، أو حتى تدور عن فرص تطوعية أو شراكات جديدة، لينك إن موجودة عشان تدعمك.

الهوايات في لينكد ان

لينكد ان معروف إنه حق شغل وتواصل مهني، لكن ترى تقدر تشارك اهتماماتك الشخصية وهواياتك فيه، يعني مو لازم يكون كل شيء رسمي، تقدر تحط هواياتك مثل التصوير، السفر، أو أي شغله تحبها في ملفك، غير كذا فيه مجموعات تهتم بنفس الأشياء اللي أنت تحبها تقدر تنضم لهم وتتعرف على ناس يشاركونك نفس إبداعاتك، هذي المجموعات مو بس للتطوير بس فرصة أنك تلقى ناس يشاركونك هواياتك وتبني علاقات معهم خارج جو العمل والمكاتب وكل هذا على لينكد ان.

لينكد ان والحياة الواقعية

مين قال إن لينكد ان بس مكان تدور فيه على وظيفة؟ اللي ما يعرفه الكثير إن لينكد ان صار مساحة لحياتك كاملة، ومو مجرد رزق وتواصل مهني، ممكن نغير الطريقة اللي نفكر فيها في لينكد ان؟ ونبدأ نشوفها كمساحة مفتوحة على العالم، مليانة فرص مرتبطة بشغفك، تطورك الشخصي، وحتى علاقاتك الحقيقية بعيد عن البزنس، طيب كيف؟ خلنا نقولك:

- لينكد ان كمسرح حياتك

تخيل إنك تحكي قصتك على لينكد ان بطريقة تعكس حقيقتك! لينكد ان صار مكان تقدر من خلاله تتكلم عن رحلتك وتشارك مع الناس تجاربك الغير تقليدية، من أول محاولاتك الشخصية لنجاحاتك الصغيرة اللي تحس ما أحد بيفهمها غيرك، ناس كثير صارت تحب تتفاعل مع القصص الحقيقية، حتى لو ما كانت مثالية، باختصار تقدر تخلي لينكد ان مكان تشارك فيه روحك مو بس شهاداتك.

- الهروب من المكاتب وحياة المغامرة على لينكد ان

بعيداً عن المفهوم التقليدي لـ لينكدان، لينكد ان صار مكان تقدر فيه تستكشف عالم مليان مغامرات وتجارب مثلاً إذا كنت تحب السفر، تهتم بالصحة واللياقة، أو حتى تمارس التأمل، تقدر تشارك حبك لهذي الاشياء على لينكد ان وتلقى مجتمعات و ناس يشاركونك نفس الاهتمامات ما صار لازم تكون تجربتك على المنصة كلها مؤتمرات ورسائل رسمية بالعكس تقدر تخلي مغامراتك وجولاتك خارج الدوام جزء من هويتك الرقمية خلي لينكد ان يكون البوابة اللي تربط بين شغفك بالحياة وهويتك المهنية بطريقة متكاملة وبتشوف كيف حياتك الشخصية ممكن تكون جزء من رحلتك على لينكد ان.

- لينكد ان للصداقات العميقة مو العلاقات المؤقتة

مو لازم دايمًا تكون العلاقات على لينكد ان سطحية أو رسمية علشان الفائدة المهنية، تقدر تلاقي ناس على لينكد ان ما يكون هدفهم مجرد المصالح، همهم يبغون يبنون علاقات حقيقية، صداقات تتجاوز كل شي تتشاركون بتخصص معين، هواية، أو حتى فكرة معينة، ناس بنفس التفكير ويكونون جزء من حياتك وترا كثير من الناس كسبوا أصدقاء حقيقيين من كل أنحاء العالم على لينكد ان، وكونوا علاقات قوية وطويلة بعيد عن مجرد كونها مصالح مؤقتة، بل أعمق من كذا بكثير.

كيف تحوّل لينكد ان إلى مرشد لحياة أسهل؟

كل ما تجي سيرة لينكد ان أول شيء يخطر في بالك هو الشغل والتواصل المهني، صح؟ لكن لو شفت الموضوع من زاوية ثانية، بتكتشف إنه فيه أكثر من كذا، لينكد ان مو بس مكان عشان تلقى شغل أو توسع شبكة علاقاتك، ممكن يكون مرشد لحياتك اليومية يعطيك نصايح بسيطة تساعدك تعيش بمرونة وتخفف من ضغوط الحياة.

احنا دايمًا تحت ضغط شغل، مسؤوليات، ومواعيد بس على لينكد ان تقدر تلقى ناس يشاركونك كيف يوازنون بين كل شيء كيف يرتاحون ويخففون من التوتر، وكيف يلقون لحظات السلام وسط الزحمة يعني لينكد ان مو بس لتطوير مهاراتك المهنية والأمور التقليدية البحته، بتشوف على لينكد ان نصايح حقيقية تساعدك كيف تعيش يومك بطريقة أسهل، كيف تعطي نفسك وقت للراحة والتجديد، وكيف تكون أكثر مرونة مع نفسك ومع اللي حولك.

لينكد ان خليط فريد بين الحياة والشغل

لينكد ان هو مثل "مسرح" مفتوح قدامك أو "لوحة" تقدر تعرض وترسم فيهم أكثر الأشياء اللي تلهمك تخيلها كخليط بين حياتك اليومية وحياتك المهنية، كل واحد فينا عنده أكثر من وجه وفي لينكد ان تقدر تظهر هذا كله لو تستخدم لينكد ان صح راح تقدر تبني فيه هوية رقمية تعبر فيها عن نفسك كإنسان مو بس كموظف، شارك لحظاتك الصغيرة اللي تصنع الفرق سواء كانت لحظات ضحك مع أصحابك، فكرة ألهمتك في يوم عادي، أو حتى لحظة شعور بالإنجاز بعيدًا عن المكتب.

في النهاية لينكد ان هو زي دفتر مذكرات مفتوح قدام الناس كل واحد فينا عنده قصة وحياة غير عن اللي يشوفونها الناس من برا، طيب ليش ما نخلي لينكد ان مساحة نعيش فيها؟ نعبّر فيها عن شغفنا، مغامراتنا، والأشياء اللي نحبها؟ تكون منصة نعرض فيها حياتنا بكل تفاصيلها، من اللحظات اللي نعيشها بعيد عن المكتب، إلى المهارات اللي نكتسبها يوم بعد يوم.

وهنا لازم أذكرك بمنصتنا لينك إن، اللي تساعدك تعطي لحسابك طابع شخصي يعكس كل جوانبك، مثل تحسين بروفايلك، واشتراكات لينكد ان بريميوم، ونساعدك يكون لك حضور رقمي قوي يعكس من أنت بصدق.